Transkripsi rakaman audio bonda Nik Omar, Datin Tuan Sabariah Tuan Ishak:
“Baca sakni atas kereta sakni tulis dia kata Tuan Sabariah pun turut hak Nik Omar.
Bila nak turut? Ambo tak turut, ambo tak suka, dia pun tidak royat kor ambo, dia duk berkecek dengan ambo duk kata sokmo, kalu orang tanya royat gini, “ambo nak duk alik ayah ambo sebab ayah ambo mati dalam PAS”, royat gitu pun orang faham ddoh, kata.
Ddok, ddok, dia kata, tak ngaku. Kalu Che tak izin gak ddok, dia kata, tu jawapan ttu pun tak kemas ddoh kata tuh, “bakpor royat ggitu?”
“Hor, royat ggitulah”, kata, “doh mugo Che tak buwi”, dia kata.
Jadi kabar-kabar gak pagi ttu jah lah, orang tunjuk gambar ambo gi Bachok tu. Malam tu dia tak balik ddoh.
Malam tu sudah sembahyang isya’ duk kat Kamaliah, Kamaliah pun tanya, Kamaliah ni isteri dia lah, dia tanya, “Abang Mar ada royat nak gi mmano kor”, dia kata, “kor Che?”
Kata, “Tak dok, banyak hari doh tak jjupo”. “
Dia turun Jumaat takdi tak balik lagi”.
Gak kita pun senyap, pakai senyap ggitulah.
Pagi esok kita jjupo dengan anak dia, “Ayah balik kor semalam?”.
“Tak tahu”, mugo budak tu gak. Pah tu gak gi tempat calon tu gak, doh gi jjalan sikit gak, tu pun pintas ddoh tak meround banyak mugo ambo sakit lutut, duk ccacang semetar kata, “Nak gi duk bertempat eh kat markas nu, duk di markas tu gak duk menyenggeng tu, Ti (isteri) Bunyamin kata,
“Datin jangan terkejut deh”, dia kata, “terimalah hakikat ni”.
Dia pun letak handphone, tengok gambar duk belarok. Kita pun, nak kata terkejut benar tu ddok lah, jadi sebab mugo tahu ddoh semalam kan.
Duk berasa ddoh kena buat lari kokrang doh ni.
Pah kita pun, telefon hak malam tu lah, dia tak angkat.
Ambo pun hantar mesej ke dia, kata “Tarik dirilah, kalu tak tarik diri jadi anak derhaka”, ambo tulis mesej ke dia.
Tak baca bekali, handphone duduk dengan orang lain, tak angkat tak begapo”.
No comments
Post a Comment